مو كافي ياهو التشوفه .. بقلم المبدع قاسم عبد العزيز الدوسري

مو كافي ياهو التشوفه
تگله عافاني
خليني متحمل ولازم الساني
منهو الباع الأول وعافه وي الليل
يجر حسرات وسفه،،
شلون ينساني
منهو الخاطر الله گال أخوي تصير
وعله شوية ذهب
للغير باعاني
منهو الخابر وگللالي ألله وياك
وأحذف رقمي عندك
 وگال إنساني
لا تسولف سوالف جذب
حگ الناس
وتگلهم تركني....
 يحب ولف ثاني
أگلك...
 بطلت العشگ وأكرهت ليحبون
وخليني بعزلتي حته أحس آني
أحس آنه بشر
 مو حجر للشطرنج
تحركني ،،وتفرني ،،،تردني لمجاني
بس أحجايه وحده اسمعه من مخدوع
موّتني هواك وأنت دفّاني

قاسم عبد العزيز الدوسري